საჭირო მასალა: 1 ჭიქა ქოქოსის ფანტელი, 2 ჭიქა წყალი, 1 ჭიქა შაქარი, 1/2 ჭიქა ფქვილი, 200 გ სამარხვო კარაქი, ნახევარი ფილა შავი შოკოლადი, 1 ფინჯანი სხვადასხვა დაჭრილი ხილი, ცუკატები – მოსართავად. მომზადება: 1/2 ჭიქა ქოქოსის ფანტელს დავასხათ 2 ჭიქა წყალი და ვადუღოთ 8-10 წუთის განმავლობაში. შემდეგ გადავწუროთ, ავიღოთ 1,5 ჭიქა ქოქოსის ნახარში, რომელშიც უნდა გავხსნათ შაქარი და ფქვილი და მუდმივი მორევით ვხარშოთ. კარგად რომ შესქელდება, გავთქვიფოთ მიქსერით და გავაცივოთ. ცივ კრემს შევათქვიფოთ ოთახის ტემპერატურაზე დარბილებული კარაქი. კრემი ხილთან და დანარჩენ ქოქოსის ფანტელთან ერთად გადავანაწილოთ ფიალებში, ზემოდან მოვაყაროთ დაფხვნილი შოკოლადი და ცუკატები. 
მარციპანის კანფეტები
საჭირო მასალა: 150 გ ნუში, 100 გ შაქრის პუდრი, 1 ს.კ. უშაქრო ლიმონის წვენი, 30 გ შოკოლადი, 1 კვერცხის ცილა. მომზადება: ნუშს 2 წუთით დავასხათ მდუღარე წყალი, შემდეგ გადავწუროთ და გადავავლოთ ძალიან ცივი წყალი, გავასუფთავოთ კანისაგან და ხელსაწმენდზე შევაშროთ. გამშრალი ნუში ბლენდერში დავაქუცმაცოთ, დავამატოთ ლიმონის წვენი, შაქრის პუდრი, კვერცხის ცილა და მოვზილოთ ცომი. ცომს მივცეთ ძეხვის ფორმა, დავჭრათ პატარა ნაჭრებად და გავაკეთოთ ბურთულები. შეგვიძლია შუაგულში ჩავუდოთ ნუში, ამოვავლოთ ქოქოსის ფანტელში ან გამდნარ შოკოლადში.Fმზა ბურთულები 3-4 საათით გავაჩეროთ ოთახის ტემპერატურაზე. [[eli |
