თაფლობის თვემ გაიარა, ქოწინება და ოჯახი კი ისეთი ტკბილი ბევრისთვის არ აღმოჩნდა, როგორის მოლოდინიც ჰქონდათ. იმედგაცრუების თავის წილი ყველამ იწვნია, ეს წესია.
Huffington Post-მა გამოკითხა ამერიკელი ქალბატონები იმის გასარკვევად, თუ რას მიიჩნევდნენ ისინი საკუთარი ქორწინების ყველაზე დიდ პრობლემად. მიღებული შედეგები ასეთია:
ფული, თუ უფულობა – ოჯახის ბიუჯეტის განხილვა უმეტესობისთვის მტკივნეული თემა აღმოჩნდა;
ის ყველგან თავის კვალს ტოვებს (ტანსაცმელს, ნივთებს...) თავის ადგილას არაფერს დებს...
არ ესწრება ჩვენი შვილების სასკოლო ღონისძიებებს;
ჩვენ სამნი ვართ: ის, მე და დედამისი;
ჩემი იმედები ვერ გაამართლა...ძალიან ხშირად, მარტივ საქმეებსაც კი ისე ვერ ასრულებს, როგორც ამას ველოდები;
მე ერთი შვილი კიდევ მინდა, მას კი აღარ;
გვიან მივხვდი, რომ სექსში ვერ ვეწყობით;
იშვიათად ვნახულობთ დროს ერთმანეთისთვის, საერთოდ ვერ ვხედავ...
სახლის საქმეებში არასოდეს მეხმარება და როცა დახმარებას ვთხოვ, ამბობს, რომ დაიღალა;
ერთად მეტისმეტად ბევრ დროს ვატარებთ, ამოსუნთქვის საშუალება არ მქვს;
არ მიმჟღავნებს თავის ფიქრებს;
ხმამაღლა ხვრინავს;
სპორტი მისთვის მეტად მნიშვნელოვანია;
ჩემი კარიერული მიზნებს არ აფასებს და თავისას უფრო მეტ მნიშვნელობას ანიჭებს;
დიდ დროს ატარებს სტრიპტიზ კლუბებში;
მისი ყოფილი შეყვარებულები ფეისბუქის მეგობრებში ყავს დამატებული;
პაემნებზე აღარ დავდივართ, მხოლოდ სამუშაო-სახლი. ძველებური აღმაფრენა გაქრა;
ის ჩემს გვერდით არასოდეს არის, თავი მარტოხელა დედა მგონია;
სექსი აღარ გვაქვს;
არასოდეს კიდებს ტუალეტის ქაღალდის რულონს საკიდზე;
საინტერესოა, რომ ამ სიაში ვერ მოხვდა ღალატი-ერთგულების პუნქტი, როგორც ჩანს ეს პრობლემა ამერიკაში არც ისე აქტუალურია, ან ამერიკელ ქალბატონებს გამოკითხვებში მონაწილეობისას გულწრფელობა აკლიათ. რაც ნაკლებად სავარაუდოა.
